شروقي
طالع جنون الدني وسير الحياة خوات
بالارض جوره احفرو تا اقبر زماني
لما منعنا الكسل بالذات نجمع ذات
بالبيت صرنا طقم قاعد بالخزانه
بالامس كان الهرج والمرج خود وهات
وكلما دعانا الظرف نطلع بالغناني
وهلق عا ساعة لقا عم نبصر بنامات
ما عاد اسعد مسا يتصبح بهاني
تمثيل حب البشر والعاطفه خرافات
وبيقول جار الرضا ما بشوف جيراني
حنه عا نسمة هوا عم تبعت سلامات
ومره عا راس السنه بتدق هيلانه
وكلما التقينا بحدا بصدفه من الصدفات
وكنا عملنا الو زيارات حرزانه
بيقول ليش ما بتجو يا شباب يا ستات
شلحتو وراكم صلا وصرتو بلا ديانه
الهاتف ما عاود هتف وترمـّلو السهرات
ودروب شم الهوا من الناس عريانه
جلاده ما عنا بقا تا نعمل زيارات
لو ما عماده وعرس او عيد او جناز
ما كان منا حدا عم يقشع التاني.
