منّي انا وحظي متل مانو
معروف مش معروف عنوانو
عشت العمر عا الآخ يا بيي
ومواقفي صارو خبر كانو
عندي بياض بقلب عينيي
وعندي سواد مقرّف زمانو
وبالسنسله عندي التقى مويي
وعلـّق عا صدري الضيق نيشانو
وعندي وجع بالراس وبديي
ويا ريت بعض مشاكلي هانو
وقمصان عندي من ورا خيي
وموقع الرقبه مغيّر مكانو
وعندي طقم ما بيطلع عليي
بدو تا اخسر وزن منشانو
وصباط صار مهلهل شويه
من كتر ما بيحكي مع الطرقات
طالع الو تالول بلسانو
