انا شاعر انا "الاحرف" ولادي
الوزن والقافيه بعبد عباده
خيالي لصرخة الالوان أولم
لأني للحلا فاتح عياده
خيالي لصرخة الالوان أولم
لأني للحلا فاتح عياده
زمام المقدره فكري تسلـّم
وبلمح من البصر جاب الشهاده
اذا شي بيت عن يدي تألم
القيامه بقيمها وبعلن حدادي
وبلمح من البصر جاب الشهاده
اذا شي بيت عن يدي تألم
القيامه بقيمها وبعلن حدادي
الي عا كل جبهة شعر سلـّم
ورفع ايديه "المرفـّخ زيادي"
وزخم كفي عا كبر الروس سلم
تا حتى يحفظو دروس المبادي
ورفع ايديه "المرفـّخ زيادي"
وزخم كفي عا كبر الروس سلم
تا حتى يحفظو دروس المبادي
عليي ما حدا بالبصم علـّم
بشرع الموهبه صاحب سياده
بصراحه بقولها والله اعلم
اذا بضرب جبل بيصير وادي
بشرع الموهبه صاحب سياده
بصراحه بقولها والله اعلم
اذا بضرب جبل بيصير وادي
الشموخ بمدرسة شعري تعلـّم
وسقط بالصف تبويس الايادي
وبكل مناسبه حضوري تكلم
ولأني بسبح ببحر المعنى
صرت معروف شاعر سندبادي
وسقط بالصف تبويس الايادي
وبكل مناسبه حضوري تكلم
ولأني بسبح ببحر المعنى
صرت معروف شاعر سندبادي
ولأني للزجل باني المباني
بطلوع الاوف عم دحرج لساني
بشعري عالم الكلمه تهنا
وبعصر الفكر سجـّل اسطوانه
بطلوع الاوف عم دحرج لساني
بشعري عالم الكلمه تهنا
وبعصر الفكر سجـّل اسطوانه
بدي للمعنى نقد بنا
تا كاسي يدبك بعرس القناني
ما بدّي فلسفة احمد وحنا
اذا بتقوم عا حساب الديانه
تا كاسي يدبك بعرس القناني
ما بدّي فلسفة احمد وحنا
اذا بتقوم عا حساب الديانه
وهللي للأرض قدرو تدنـّى
وببيت الشعر صاير مخرباني
شو بدو بشاعر كلامو تحنـّى
بخيال الواسع وسجّل مكانه
وببيت الشعر صاير مخرباني
شو بدو بشاعر كلامو تحنـّى
بخيال الواسع وسجّل مكانه
بسرعة خاطري العالم مغنـّى
"صبر ايوب" ما بيعرف مكاني
على المريخ وصّلت المعنى
وكيانو صار شقفه من كياني
"صبر ايوب" ما بيعرف مكاني
على المريخ وصّلت المعنى
وكيانو صار شقفه من كياني
بكل مواقفي معروف جنا
ما بخلط بين ارزه وسنديانه
عا كتفي الكون وبإيدي الأسنه
زماني بشلحو وبمحي المقدر
اذا ما كان عا جبني زماني
ما بخلط بين ارزه وسنديانه
عا كتفي الكون وبإيدي الأسنه
زماني بشلحو وبمحي المقدر
اذا ما كان عا جبني زماني
