وقت اللي قالو ودع الشهم الكريم
وجايي تا قلو حبك بقلبي نما
كنت المحب وكل عمرك مستقيم
عرفناك شاطر كنت تفهم بالوما
واكبر شهاده جاب ماضيك القديم
عطيت الصراحه حقها وقدرك سما
قال المهاجر قبل ما يقول المقيم
واكبر شهاده جاب ماضيك القديم
عطيت الصراحه حقها وقدرك سما
قال المهاجر قبل ما يقول المقيم
المتلك سليم لشمخة الارز انتما
وولادك بلا شك متلك يا سليم
تحوّل علينا كنت وتفور الدما
ان شفت ستي صوتها منو رخيم
وولادك بلا شك متلك يا سليم
تحوّل علينا كنت وتفور الدما
ان شفت ستي صوتها منو رخيم
ستي قالتلي ابن اختي ما انسما
الا ابو الهمات اكتر من عظيم
وقالت سليم واخوتو بيحمو الحما
ساعة ما بدّي بيحضرو متل النسيم
الا ابو الهمات اكتر من عظيم
وقالت سليم واخوتو بيحمو الحما
ساعة ما بدّي بيحضرو متل النسيم
عندك قرايب ناطرينك بالسما
والمرحبا عا باب جنات النعيم
لعند "السمّيه" روح الله يرحما
والكل هوني بيطلبو الرحمه الك
يا سليم وصاحب القلب السليم
والمرحبا عا باب جنات النعيم
لعند "السمّيه" روح الله يرحما
والكل هوني بيطلبو الرحمه الك
يا سليم وصاحب القلب السليم
قدام نعشك هون هلق بنحني
وبقول نؤمن قبل ما ارسم صليب
من ها الدني عم تنقل لتاني دني
بقدّم تعازي للغريب وللقريب
وبقول نؤمن قبل ما ارسم صليب
من ها الدني عم تنقل لتاني دني
بقدّم تعازي للغريب وللقريب
