نعشك حملتو والوجع حمله
وساعة مصيري الدهر قدملي
وتا ترجعي عا البيت مش مطروح
حكم القدر برهان قدّملي
غيابك ما خلى للاماني صروح
وما في ظرف عا الحظ سلملي
لتاني دني رحتي بقلب مجروح
وآخي عا كتفي عملتها شمله
بينك وبيني الخط مش مفتوح
وما في لقا بالجو نسملي
وجودي كتبلي ضل ابكي ونوح
وشن الشقا عا عيشتي حمله
متل المكرسح لا بجي ولا بروح
ختيار لا شغله ولا عمله
لما طبيبي قال جاب فتوح
مشّى الامل عا دعسه النمله
لما يا "ساره" الموت مد شلوح
وعمرك ملاك الموت ترجملي
جسمك لعند الرب ودى الروح
ومن يومها تسجلت ضرب خوات
وقلت العقل ما عاد يلزملي
