هونيك بعد الهون بشويه
كان الوجع عم يبرم عليي
وجايب الي من عالم المجهول
يا دل دلّي وآخ يا بيي
والدمع بحر وصرختي اسطول
ومن جمر دربي وقالب مويي
يا مصيبتي لحالي شو بدّي قول
وكل الحكي صاير بإيديي
وصولي لعندي ما بقا مكفول
بالرغم اني قبال عينيي
تخمين صرت مقطع وموصول
وما بقيت عم اقشع حواليي
ومش بس فيي الهم صار يجول
حسيت انو اتاكلو جريي
وبظل شجره عم بتشمط طول
جرّبت اني بورد وارتاح
لقيت الشمس عم تاكل الفيه
