الصفحات

ننشر في هذا الموقع أشعار الشاعر الكبير عصام ملكي

جنون فنون

رايح عا مدري لوين من دوني
بجرين ما فيهم يحملوني
وعم حطّ هوني بسحبة التفكير
تا شوف كنو هون بتكوني

ضيع لساني اصدق التعبير
وصارو عليي يدلفو عيوني
لما عا حالي جيت بالي دير
وكبّ الجمود وحرّك سكوني

فوتي عا قلبي وسفّري التعتير
حبك عباده صار وجنوني
من كتر ما عم يعمل مشاوير
بيقول عا الطرقات خلوني

ما في صدق من بير شالت زير
ومواقفك آخات عديوني
ومن درب حلمي هارب التفسير
تخمين غيري بدون كلفه صرت
وصاير جنوني من بني فنوني