.jpg)
منبقى بوجهك وين ما كنا
مش ممكن تموتي يا ام وبي
بالفكر رح يبقى خيالك حي
وروحك ما فيها تروح من عنا
يا عين شنـّي بالبكي غاره
وخلـّي الدمع للرمش اسواره
ساره الزغيره بآخر الستين
راحت وبكيت دم بشمزين
واليوم راحت امنا ساره
لساني برقبة كلمتي معلق
وحرف الهجا عا القافيه تخلق
اوقات عم يطلع حديثي صراخ
الجمعه نقلنا من الفرح عا الآخ
وامي عا ركوود ناقله هلق
وانتو يا هلي بعدّكم اخوان
وواحد منبقى بأغلب الاحيان
بلسان نحنا حضوركم ممنون
انشالله فدا عنكم وعنا تكون
وايامكم تبقى بلا احزان
وانتو اللي معكم اكبر مهمّه
تا تدفنوها وكلكم همّه
شوقي لامي ما قدرت اخفيه
صدري احفرو وحطو جسدها فيه
لا تطمرولي بالأرض امي
