نغمتي جديده

يا زارعه بالقلب اوهامو

شهر المضى ضيّعت ايامو

وويني انا ما بقيت اتذكر

ما بين صاحي وبين عم اسكر

عم هز للآخات تا ينامو

لبيت الشعر ما لقيت قرميده

وبالسكت صارت نغمتي جديده

بيجوز بدها صحتي حرّاس

من الهم حسبت الوجع بالراس

تاري الوجع بالراس من ايدي

وتا تعرفي اكتر يا عينيي

جسمي صقيع وقالب مويه

بحيث الدوا مش عارفو من وين

تركتو عا ضهر الطاوله شهرين

وخدتو بعد ما تعوّد عليي

انتي بشوفة حالك تهنّي

لكن انا مَنّي متل مَنّي

مش بس فيي تمقطع الافلاس

العنّه ورا العنّه يا بنت الناس

ان كان بدّك تسألي عني