يا احلى ست

تعي عملة وجودي صرّفيها

اذا طالع عا بالك تصرفيها

انا رح انطرك يا ادميه

اذا عندك قصيده ولّفيها

ظروف الحب صارت فوضويّه

اذا بتضل هيكي بتقرفيها

اذا المغرم ما عندو معلميّه

طريقه اهتمامو خالفيها

انا يا فاتنه عبد الشهيه

اللي انتي الاخ عم بتشوّفيها

ما بدي تعامليني بسوء  نيه

وجناحي بالغرام تنتفيها

وما لازم بالهوى تكوني قويّه

زنودك بالنعومه غلّفيها

اذا بيدور دبح عْلى الهويّه

عيونك من طريقي صرّفيها

يا احلى ست يا الطف صبيّه

شفافك بالتفاهم كلّفيها

وتعي تا بوسك واعمل خطيّه

ما فيها شفتك تعطي مواسم

اذا ما بزرع القبلات فيها