الصفحات

ننشر في هذا الموقع أشعار الشاعر الكبير عصام ملكي

خفف اللهجه

الوجع شمشون وعذابي دليله
وما عندي بالدني غيرك جميله
عليي بطّلو عيونك يحنّو 
وانا رح انتهي الله وكيلي

غرامي اسألي الايام عنّو
ما كانت رقبتو مره طويله
طلبتي خفف اللهجه كأنو
صباح الخير عم تطلع تقيله

المواقف من عذاب الحب جنو
ولحالي ما قدرت لاقي بديلي
وعليي يمكن ظروفي تجنّو
لأنك بالهوى مَنّك قليله

وجروحي عا السكت موّال غنّو
وتا قلك شو عم يصير اسمحيلي
لو ما عواطفي غارات شنّو
ما جيت اليوم تا سمّع متيله

ما بدي تبلعي ريقك لأنو
النشاف بيترك القبله هزيله
اعرفي يا عايشه بالبال انّو
ما فينا بالهوى نفلح فلاحه
اذا ماويّة شفافك قليله

0 comments:

إرسال تعليق