ذات الطريقه

انا انسان ما بسخِّر ضميري

وعا قد مواقفي بمد الحصيره

خلقني الرب بعواطف رقيقه

وعا وجه الارض ايامي قصيره

الحرف ما بلبّسو تياب العتيقه

وبقرص الجو بيموِّج عبيري

عزمت الشعر عا بحور الغميقه

تا خلّي المجتمع يسمع هديري

اعرفي يا عاملي بقلبي حريقه

ما فيكي توَّقّفي دفقة غديري

ما برسم للوحي خطه دقيقه

اذا ما بينفتح للشعر سيره

اذا بتطالعي الكلمه العريقه

فيكي تقشعيني بكل ديره

ما بدي تدفشيني يا شفيقه

تا اسكن قصر سجادو حريري

اتركيني عيش عا ذات الطريقه

اللي فيها عايشه نفوس الكبيره

بقصرك ما بقا اقعد دقيقه

عا بيت الشعر رح انقل لاني

عا وزن وقافيه بقرر مصيري