الصفحات

ننشر في هذا الموقع أشعار الشاعر الكبير عصام ملكي

انا انسان

انا بها الكون ما نسّم هوايي
متل ما بريد والمشكل حكايه
البرد طوفان وبعيده الحراره
وبلايي مش عم بيقعد بلايي
شعب تعبان ما عندو اداره
بسوء الفهم بيقول الشرايه
واحد بالكذب عندو شطاره
وواحد بالشعر كهرب سمايي
وواحد من بني ادم عفاره
بيشوف الحال قدام المرايه

المحبه وينها ووين الطهاره
المنها مش عم منقشع كفايه
قلوب الناس صارت من حجاره
ومن الشرير ما عنا حمايه
الحضاره بها العصر منها حضاره
الديانه واقفه والكفر ماشي
نهاية ها الدني عاالدرب جايي

انا انسان ما بيوقف انينو
ولشوفة حال عم يقوى حنينو
مواس بعرض بالع بالطفوله
وعذابي واجه السبع بعرينو
 
عا طول بقول للناس ابعتولي
حدا فهمان انتو مجربينو
بدي معرفه وبدي رجوله
وبدي القادر بميزان زينو

هللي بيدعي انو اصولي
خدمني الحظ لما عرفت مينو
انطعمتو مرحبا لساني اقطعولي
لأنو ملوّن ومحروق دينو

ولأنو قصتو صارت مهوله
ضروري بالشعر قرّص عجينو
لأنو للوفا اربع فصولي
ما بقعد عا السكت كرمال عينو
وبعرس الشعر ما بوقف شبينو

حالف يمين وقلت ما براضي
المنو حدا اسباب امراضي
قلي ضميري خاطري مجروح
وما بنعرف زعلان ام راضي
 
قلت الجسد صاير بدون الروح
وبيجوز بدها الروح بعواضي
وعا الوزن ما عندي جمع مطروح
ويوم الفرح صاير فعل ماضي

ولما سالت العم يهد صروح
وعا بياض كنت لحضرتو ماضي
شوباك ضمّك شايفو مفتوح
والجمع قسمه ومجرمك قاضي

وكان السؤال على السمع مطروح
وصادي الو ما عملتها ضاضي
مش عم بشوفك وين عم بتروح
قلي انا ما بلحّق مشاوير
ليل ونهار بروح عا الفاضي

0 comments:

إرسال تعليق