انقبر يا همّ

أنا من قبل ما اعرف كياني
عا درب العمر ضيّعني زماني
يا دلو اللي مشي بظلي يا دلو
لأنو صار محروق الديانه

ما جاني ظرف إقدر إستغلو
وما فيها البقبشه عرفت مكاني
ريقي بالحكي ما قدرت بلو
تا دحرج عالمدى سحبة لساني

القدر مش هامو يبيض سجلو
وعا وزن وقافيه تقوم المباني
ولا الآخات عني عم يحلو
ولا بالحظ راجع عنفواني

همومي تكومّو ومش عم يقلو
ودوا ما لقيت عند الفرمشاني
وكلما همّ يلفي عم بقلو:
انقبر يا همّ عني بدون عنه
ولا تعمل عالفكر مشوار تاني