الصفحات

ننشر في هذا الموقع أشعار الشاعر الكبير عصام ملكي

يا أبجديّه

يا ابجديه  بدمتي يا ختي
صوب الخلود بهمتي فشختي
عطيتك جمال بمنطقي الرسام
ومني ملاحم شعر إدرختي (*)

لما بشرودي زلغط الالهام
بايا نهار وشهر ارختي
وصار الورق يتصيّد الاقلام
ويا الف يحيا ربك صرختي

لوما انعرف شعري صور افلام
عليي ما كنتي قلبك سلختي
ما بنام الا بالسما ما بنام
خيالك لحافي والقمر تختي

وبالارتجالي الفارس المقدام
ببحر المراجل منطلق يختي
لما خصومي بيرفعو الاعلام
بقلن: انا اسمي عصام المر
فرخت عا كعب الزنزلختي

(*) ادرختي (من ادرخ) كلمة معروفة في مناطق الشمال اللبناني بمعنى ترقيد العريشة، اي طمر قسم من احد اغصانها تحت التراب فيصبح عريشة اخرى على مقربة منها.


0 comments:

إرسال تعليق