الوطن مأمور

بلبنان بيتي مش متل ما بريد
لما حكي مع كلة المدفع
الدوري باسمو سجل القرميد
وخلو إجرو قلت ما بدفع

صوب الارض عم يقشطو كتافو
وآذار قلي من شهر تموز
مزراب بيتك قشبو شفافو
وقال الحكي بالصيف ما بيجوز

كل السهول مضيعه الألوان
منها النظر ما عفر شويه
ومش بس نشف قلبها الوديان
عم تبصر بنامات المويّه

بدرب الكرم عم يعرق المشوار
العم نشفو بصابيع ايديي
النسمات جمر وارض متل النار
بتقول: إصحو تدعسو عليي

مأمور بيقولو الوطن مأمور
الدمعه بعينو بتطلع وقيّه
وعا كل تلاعه شبح عصفور
ملحن إلو بالصيف غنيه

يا موطني الصاير جروح جروح
الزوار شافو بأرضك اللهوه
ومن عادتو البيزور ما بيروح
الا بعد ما يشرب القهوه.