مرقت مرقه

بيت الهجرتو بآخ طوّقتو

لما عطاني شوَّي من وقتو

ومن سهلتو لما السقف ما قام

نيّمت تصليحو عا ريش نعام

وحيط الغفي عا الارض فيّقتو

وعا الطحلب البرّا مرقت مرقه

من البرد كانت خلقتو زرقه

ونجاصة الكانت الي موّال

تا تشتري من الطقس راحة بال

بالريح عم تصرف ربع ورقه

وشلح العريشه الما عطى فيّه

بفصل الشتي ما استفتح بميي

وبالتينة العنها النحل ممنوع

الدبور جرّب يعقص الفقوع

تا يشوف كنّو بينصح شويه

وهلي بحيي كانت تحيي

راحت عا غير بلاد مش حيه

وهلق لأنّي صرت بالسبعين

عليي ما عادو يمرقو الحلوين

بس الكذب عم يمرق عليي