الهام فيكي لقيت الهامي
دخلك عا سبعه ونص لا تنامي
ودى ورايي عالم المجهول
ورايح بنزله والوهم بيقول
طلعة خلق رح شوف قدّامي
بشلح النظر عم لبِّك عيوني
وبالعمر عما يكبرو ديوني
ضايع ما بين الكفر والايمان
وعا دروب نسيو خلقة الانسان
رايح انا عالوين من دوني
وبالرغم اني قريتك قرايه
ومنِّك ما بقدر اشبع كفايه
مش بس ريقي عا الحلا بيشط
بيطير عقلي وعا الدبق بيغط
كلما تجي عا البال انتايه
روحي لأنو بجِّن مسكونه
ما في ضمير يحرِّك سكوني
تا كون غيري صعب اني كون
هلِّي بيقولو بالجنون فنون
بقلُّن ما عندي فنون بجنوني
0 comments:
إرسال تعليق