باسم الهوى

يا دعد شو عم تعملي فيي

صارت دموع العين بنيه

نظراتك بلا شك دليله

الظاهر بغيري اليوم ملهيه

نتفة عقل بالراس خليلي

ماعادت فصولي ربيعيه

اعطيني وعد بربحلك جميله

وبقول رجعت متل ما هيي

ودخلك شو صاير بالدني احكيلي

بربح الك ميتين منيه

باسم الهوى موال غنيلي

وكوني معي مره طبيعيه

ولما حضورك قلت جيبيلي

وصلت لعندي الحد صبحيه

وقلتلها الآخات شيليلي

من الراس صرت بربع عقليه

قالت بحبك ما الي حيله

وعلامتك ميه على ميه

الدفتر جبت قلتلها امضيلي

بالـقٌـلب كتبت اسمها منشان

تا تقول منها ماضيه ليي