عصري انعصر وبعيد تحليلو
ضيع ابانا بقلب انجيلو
ومش طالعه فصولو طبيعيه
وبدو انا وسكران صليلو
ماشي عا جمر بارض بريه
وآخي عا شقفة جو تسجيلو
وعم تمرق النسمات مغليه
وبحر الشعر طلق اساطيلو
وكان العرق شعلان كميه
وبالنفخ مش عم ينطفي فتيلو
وعا كعب شجره تحشرت فيي
حبيت قيِّل تا التعب شيلو
ولما الهوا "الفو" انلوق ليي
صار اشتياقي يربح جميلو
وما عادت الاحلام عاديه
وصرت الصبا مراسيل ودِّيلو
وهزيت جسم بيوت شعريه
الها وزن بيحاشر الكيلو
ودخلك تعي قلت بشفافيه
ولما خيالك شرف على البال
شلحت السكت وبلشت غنيلو
0 comments:
إرسال تعليق