الوحي ختيار والفكره صبيه
وتا اقعد عا السكت ما عاد فيي
زماني بعد ما بايدو عجنني
خبزني مع حروف الابجديه
دموعي اليوم لبسو طقم بني
وتا تمشي الاخ جابو القابليه
قشط كتفي بحملة كبر سني
وما رح ارتاح الا بالمنيّه
اذا وجودك يا كحلا بيمتحنّي
عا وجه الارض ما باخد هويه
بتمي كلمة بحبك مسنّه
وما بقدر قولها بلا معلميه
بَلاَ ما تسألي معروف اني
عا راسي شك واقع بالخطيه
ومن الانات عندي الف أنّه
ولكبر الهم صاير مرجعيه
حَمَا الاوزان والكلمات كنّه
وبيوتي من القوافي مستحيه
وحياتي واقعه عا الارض مني
وما بقدر بالصبح شوفك دقيقه
اذا ما كان طالع من عشيه
0 comments:
إرسال تعليق