ولاد الهم

يا شالحه نظراتك عليي

عم يعرقو بصابيص عينيي

وطاير صوابي وبالدني سارح

جربت صوبك امرق مبارح

لكن زمط من بين ايديي

عَنـِّـك ما بدَي الجو يبعدني

وما في ظرف بالكون يسعدني

تا شوفك بهمّز باستمرار

وصوبك ما بقدر آخد المشوار

انتي ابعتي مشوار ياخدني

بينك وبيني من الدني مسافه

وحامل ولاد الهم عا كتافي

تا اكلك عا الريق ميّت موت

وكلما اجي لعندك تا ودّي الصوت

بيفرض وجودو  الصمت عا شفافي

فارط انا وهربان تجميعي

عنّي خبر للاخره ذيعي

ساعة زمن ما لقيت متل الناس 

وما في عرق يتزوج عْلى الكاس

تا لفّ حولو خمس صابيعي