اوقفي يا عايشه فيي هنيهه
الحقيقه بالارض ضربت جريها
الهوى بالختيره لا شك عيبه
المرايه الكنت احملها بجيبي
هلق صرت عم اوقف عليها
اسمحيلي كرّ كبكوبة لساني
وقلّك ليش طلّقني زماني
غرامي وزّع عْلى الحب طيشو
ولهلق موسمي ما عرفت ايشو
طلعت زرِّيع تحت السنديانه
ما بيني وبين انا زاد التحدّي
ما بدي ها الدني وبقول بدّي
العمر سهران وبقلبي حريقه
وتا اقدر غمّض عيوني دقيقه
ما عندي راس بيساير مخدّه
شعر عا العيد ما بجبلك هديه
لانّو داعس فرامات فيي
وببحرو صار عم يندب نشافو
الوزن عا القافيه قالب شفافو
وبلا اخلاق حرف الابجديه
0 comments:
إرسال تعليق