يا شعّار الزجل الوان هاتو
لبيت الشعر تا يفرح بذاتو
ما بدنا نجوّعو ويحكو الجرايد
وبقلب المجتمع نقطع لهاتو
لازم نزرعو ونحصد فوايد
ونعرض للوجود مقبّلاتو
ما بدنا نموّتو بسجن الشدايد
ضروري يكون عايش انفلاتو
هجرنا بلادنا وعنّا عوايد
وكلام الجوهري منعرف صفاتو
املنا نشوف بالميدان قايد
تا معنا تنفتح سيرة نجاتو
ما بقدر كون يا رفاقي محايد
الحقيقه بقولها الهمات ماتو
تا نقدر بالوحي نجمع طرايد
وعلينا العصر يدلق التفاتو
وتا يبقى فضلنا عا الشعر زايد
وجحيم الموت نبعد عن حياتو
لازم بالوما ننظم قصايد
المعنى قال انو الابجديه
ما فيها حرف مش طالع خواتو
0 comments:
إرسال تعليق