صبي تا نشرب كاس عا الصافي
موسم قطافك موسم قطافي
ماشي الصبر فوق الجمر حفيان
وفات البرد عا المنطق الدافي
عودان صرنا والنصح هربان
وجوع النفس عم يقطع مسافه
والنا عوافي ما عطانا الان
وانتي وانا زبونات العوافي
صار الهوى شعر والو الوان
وبالارتجالي مرهمو شافي
ببحرو المعاني علّمو الاوزان
تا يطلبو ايدين القوافي
ونحنا عا منبر والوحي طوفان
وداب القطر عا صدر الكنافه
بجمله الحرف ما بنزّلو منشان
طول الوقت يركب عَلى كتافي
بايدك زمانك حمِّلك نيشان
وفيكي مزايا اللطف منشافه
وبالحب نحنا تنيننا خوتان
معنا ما فيهم يزبطو القبلات
انما تعيّرو شفافك عَلى شفافي
0 comments:
إرسال تعليق