رايح تا شوف الكانت بحيي
شوقي شحطني وشاحط جريي
وكلما مرق عا خاطري موال
يقلي شو باك تحرّك شويه
بجو الشعر كان الفكر خيّال
يعبر خيوط الشمس بالفيّه
ويدرز صور ويسرّج الاحوال
وليل ونهار يقايس عليي
ويا ما الوحي ربّى بظروفي عيال
وخلّى وجودو يلتفت ليي
وكان الحرف من زغرتو رجّال
بقصايد الاخات يا بيي
لكن بعد ما تبخّر الرسمال
غنّى الطفر بخراج ايديي
ولما العتم بجنون صال وجال
صار النظر يبرم عا عينيي
وهلي عا ديها تصرّفو الاعمال
صارت تطعّم دمعها مويي
وراحت عا مطرح ما اجا عا البال
وهلق عا جمر الصبر بالهونيك
قاعد انا وهوني وحواليي
0 comments:
إرسال تعليق