هلي قالتلي شم اصحا تدوق
وهربت من سلامات ايديي
من كتر ما فيها كنت معجوق
صار النظر يفرك بعينيي
راح الهنا لهونيك مدري لوين
وبعدي انا لابس شغل بالي
وتا تقصر مسافة ما بيني وبين
حالي صرت اركض ورا حالي
قلتلها بدرب الهوى ماضي
قلة خصيّه موقفي اظهر
بكرا انا رح جيب بعواضي
وشبرق شبابي وغيِّر المظهر
مفروض نرجع متل ما كنا
جودي بنظره تفرفح وجودي
ميّت تا اسمع شرّف لعنا
قهوتك عا النار موجوده
وهلق انا بين الضحك والآخ
عم ساير فصول الطبيعيه
تا شوف كنو بيلتقالي مناخ
يخلّي حياتي معلّقه فيي
0 comments:
إرسال تعليق