تا تاركه حولك حواليي
بحيي انمرقتي الحي لا تحيي
مهما جناحك بالسما علّو
كذبك بيضل يفوش عا الميه
تيابك عليكي هلهلو وحلّو
وصعبه مزادك يوقع عليي
اللي بيعشقوكي عنك تخلو
حاجي بخيط الشمس تتفيي
ومن جهتي اللي حالتي تولّو
قالو التعب عا نمرة جريي
هربان مني واخوتي صلّو
منشان ما اوقع بايديي
جيوش الصبر من ساحتي فلّو
من سيرة التفاح والحيه
وهلق بعدما عواطفي قلّو
طلق لساني كلمة خطيه
سودا الدني وانوارها ولّو
ودعسة عتم بخراج عينيي
صار النظر عم يبرد محلّو
وهونيك هلّق ما بقى هونيك
وهوني نقل بالرياح شويه
0 comments:
إرسال تعليق