تعي يا موهبه محروق ديني
تا انظم شعر بيهز السكينه
الوزن والقافيه للبحر قالو
الحرف ربان والفكره سفينه
مدينه الشعر لا شك بجمالو
وعبيرو ابن روح الياسيمنه
وتا حتى يمرجح الشاعر خيالو
ضروري يكون ساكن ها المدينه
الشاعر كلمتو من شغل بالو
بشوبك سحر بيرِّق العجينه
وكلما العمر ختير راس مالو
الدهب بصير موّال الخزينه
وانا انسان اقوالو فعالو
ما بقبل وظِّف الشك بيقيني
قلت للابجديه كتير صالو
عيون مواقفي وجالو بسنيني
حرام الشعر ما جمعت بحلالو
الحقيقه ظاهره وبتعرفيني
اذا بدِّك زمان يشوف حالو
وشموخ بتطلبي كرمال الله
حروفك عا المنابر سلميني
0 comments:
إرسال تعليق