الغضب طوفان

يا عاملي مواعيد لا تطلّي

ريقك ما فيكي تقدري تبلّي

من الراس شيلي هيكل الموّال

وحياتك بقلك براحة بال

بدك قبل ما توصلي تفلـّـي

خلّي الصبر يبقى بحضن امو

تا يصير فينا وجودنا نلمو

الصقعه قويه ما لها دبار

وتلج الهوى كلو يا ولدي صار

مفروض انو  ندوّبو عا النار

تا يصير فينا نقدر نشمّو

كيف بدّي اطلع بمطلع

ما ضل عندي ريق تا ابلع

لمطرح ما انتي وظفي التركيز

العصفور عاطي جوانحو التهميز

وما لو قلب من قعدتو يطلع

علينا بمزاد جنوننا وقعنا

والنا تمن اخلاصنا دفعنا

وما زال يا عيوني الغضب طوفان

بالبيت ضلي قافيه واوزان

تا يصير مشوارك الو معنى