قلت لحنان الكسر ما جبرتي
وليي وجع للراس سوكرتي
مدبّر الك مقعد بقمة فاس
وانتي شغل للبال دبّرتي
ضايع بحالي وعيّروني الناس
وانتي طريق الحب غيّرتي
فارش الك بالمنطقه احساس
وغيري لطلوع الضو سهّرتي
صابر عليكي والوفا بلا قياس
وتا لبسِّك اشعار ما صبرتي
وما كنت اعرف قيمة الألماس
لوما على السيقان شمّرتي
ومن بعدما عطينا الغزل اجناس
وقلتلها الأنفاس خدّرتي
قالت تعا تا ندق كاس بكاس
ومن وصلتي عا البيت قالت روح
لما اجت عا بالها مرتي
0 comments:
إرسال تعليق