بعد ما الحب شبشبني بدالي
الهوى عنقود ومحصرم بدالي
تا حتى كون مقبول لفريده
دخيلك يا دني اعطيني بدالي
فريده بالفعل هيي فريده
الحلا بيقول فيها بشوف حالي
شفتا بمطلع السنة الجديده
والها ما قدرت احمل رساله
مهما تقرب بتبقى بعيده
وانا بها المرحله مشغول بالي
ظرفي عا الشقا سوكر بريدي
ومقام الضغط عم بيصير عالي
الها قلت عم تحمى الحديده
وما بعرف ليش يا زهره بخيالي
كلما جيت غنيلك قصيده
حروف الابجديه بيفركوها
وبيصير الصمت يطلع ارتجالي.
0 comments:
إرسال تعليق