يا ها الدني رح تاكلي مسبّه
عا القلب منك رح تجي الغبِّه
هجرنا البلاد وصار هلّي صار
وخردق وجعنا لحقتو طبّه
حابب تاارجع عا الوطن مشوار
وراق الخضر والصفر عم خبّي
بس النحس حاطط بدربي حجار
وقالت همومي كيل وعبي
قرش اللي عندي كان يحكي طار
وما ضل عندو راس تا يقبّي
والآخ صارت عم تجي بلا عيار
بالرغم اني بقلها تربّي
وماشي الغلا عا دعسة الدولار
وعا العالم الويلات منصبِّه
وما في دوا يمشي على البومار
بخمسه دولار عم نشتري الحبّه
وبالسفريات السعر متل النار
وما بقول هيدا من فضل ربي
ان كان مش رح ترخص الأسعار
وتنزل عن الألف وعن الألفين
برجع على لبنان عا الدبه
0 comments:
إرسال تعليق