نحنا شو نحنا بالدني نسينا
بيضل حب الذات عامينا
مننسى بانو جناحنا بلا ريش
وأوقات عم ننسى أسامينا
في ناس عنا بينسمو خرافيش
المنّو حدا صاير ابن سينا
وعملو الذكي بالمجتمع درويش
من ها البشر يا رب نجّينا
عا الأرض فينا داير التدفيش
وبدل العرق عم نشرب الكينا
"الطاووق" فلّ وضلّ النا "الشيش"
ومنو تا نكدش كدش ما فينا
طار الرواق وغاطط التشويش
وما في حدا أفراح يعدينا
وعمرين حتى نعيش ما منعيش
جينا بلا طعمه عا الدني من زمان
ومنروح منها متل ما جينا
0 comments:
إرسال تعليق