شروقي
شو باك قالت إلي هل اسمها "سالي"
جاوبت اني صرت صفرين عا شمالي
تمانين خلفي شلحت تا روح عا التسعين
بالرغم انو الضغط اعلى من العالي
ما قدرت إغمز حدا من ست سبع سنين
في عين بدها دوا وفي عين شغالي
"هابيل" ما بينعرف عندي من "القايين"
وما بقيت أعرف أنا من حضرة خيالي
منها بعيده يجي قبل الترم تشرين
ما عاد يمشي معي تصريف أعمالي
هوني بسدني انا وانتي ببشمزين
وبالوهم صرلي سنه عم شوفك قبالي
في ناس قالو الفرح انو مرض بالصين
تا شوف منو حدا بيطلع على بالي
كارمت زيد وعمر طلعو معي شياطين
من هيك هلق انا زعلان من حالي
0 comments:
إرسال تعليق