رحت بأنا وما انهز ترجيعي
وصار السكت يشرح مواضيعي
ولما لحقني بقلتو التدبير
جرّبت قدّم ساعة التفكير
العقرب زمط من بين صابيعي
ومن بعد ما تكوّن معي كَوني
قالو اللي عرفو لهجتي ولوني
لعنا وصلت بكير منهنّيك
ولما رحت اسأل عن الهونيك
قالو مرق هونيك من هوني
وبالرايح من الآخ عا علمي
لما طلعت عا المنبر العلمي
تا دق عا باب النحو والصرف
كنت على نتفه دعست فوق الحرف
هللي وقع عن صهوة الكلمه
وصار الوهم يبرم حواليي
ولما الحراره اكلت الفيه
شدّيت همه وقلت الله يعين
وعا درب حملو كواعها جزادين
ضلّيت امشي تا وصلت ليي
0 comments:
إرسال تعليق