الصفحات

ننشر في هذا الموقع أشعار الشاعر الكبير عصام ملكي

خراج ايديي

يا هم خفّف حملك شويه
الاخات ليش موجّهه ليي
مفروض تعرف قبل خود وهات
الاخات الها بالدني قياسات
مش كل آخ بتطلع عليي

كاسي فضي والوعد جنّني
وما بقيت لا لحّن ولا غنّي
وهلّق بعدما الدين فتّح عين
بيجوز اهرب من انا عا لوين
وهونيك ما يسمع خبر عنّي

صار الكلام من الضرب اوجع
ومش عم بلاقي للسكت مرجع
والعقل مش عم يلتقالو ضراس
وصار الضغط متل الوجع بالراس
ساعه بيروح واربعه بيرجع

الرجفه اجت عا خراج ايديي
للغمر مش رح قلك تهيّي
من البير مش رح شيل آخر زير
غب عْلى قلبي وقلت يا تعتير
لما عليي شلحت عينيي

0 comments:

إرسال تعليق