خيالك لحقني بالشكل ذاتو
وصمتو مشي عا حروف كلماتو
ما كان عندو غير شقفة تم
وسحبة لسانو بمشكله جاتو
بيو اجا تا يساعدو والام
ودَّت ورا شقاقيف اخواتو
وعملو لها زندين حتى تضم
وهوِّي طرش عا خدودها لهاتو
ولما افتكر انو وجودو مهم
غنى المشي موال دعساتو
وحتى اللي هر على طريقو يلم
ما ساقبو صابيع ديّاتو
ولما الحبق هزيت حتى شم
جنون الهوى قدم تحياتو
وصارت الساعه بالصقيع تزم
والعقربين بقلبها ماتو
وبالرغم انو ها الوضع بيسمّ
ما جرَّب يفلفش ملفاتو
ووقت اللي صار الزاف حد الكم
ببدال ما يخلِّي الرواق يدور
حطو بنزله وطلَّع خواتو.
0 comments:
إرسال تعليق