يا ملحنـَّـه للقلب دقاتو
خلـِّـي اللقا يقوم بمهماتو
انو تا نبقى هيك مش معقول
هلي حياتو عم تشد نزول
منها بعيده يطلع خواتو
قاعد باخر وين عا علمي
وشالح ورايي المعرفه وعلمي
ما قدرت غني للهوى موال
بعدو الصمت قاعد بحضن البال
هونيك بالرايح من الكلمه
يوم الشعر ما انهز تحريكو
عا الآخ عم عمر مداميكو
وبيت القصيد مضيع الاوزان
وبيت العا وزنك بالمعنى كان
بوجه الزمن غالق شبابيكو
وحياتك التقصير ما بريدو
وما بريد صفـِّـي بالدني عيدو
بتعب تا حتى متل غيري صير
ماشي الوحي عا دعسة التفكير
وما في ظرف عم يمسكو بإيدو.
0 comments:
إرسال تعليق