نعسان صبّي قهوتك نعسان
يمكن ببصمه ينقرا الفنجان
جوّات قلبك عم تعبّي كَون
وقاعد انا بالرايح من الهَون
عا الارض عم فضّي قلب مليان
اعطيني حضور يساقب عليي
يلبس مدى ويقلع حواليي
عم ركلج عيوني يمين شمال
وعمّر لكي عا شفتي موال
يقلك دخيلك روّجي ليي
من حيث اني ضايع من زمان
بفتش عا حالي بأغلب الاحيان
لا تسمّعيني الحق كلو عليك
الماضي لقطني برقبتي من هيك
ما بقيت اقدر اوصل عْلى الآن
كلما النظر عا خلقتك لزّق
بخلّي الحكي بالسكت يتحَوْزَق
وبالمختصر رهن الاشاره بصير
وكلما قطعلي رزقتي التفكير
بكبّ الصبر وبصير اتخزّق
0 comments:
إرسال تعليق