التقينا بعدما الاحلام شابو
بموقف للوعي مفتوح بابو
قالت طل صوبي من عشيه
قلت بمرق اذا بيكون فيي
واذا التفكير بيغيّر تيابو
قالت شرِّف ولا تكون جارح
واذا حبّيت تا تعمّر مسارح
بدون الخمر ما بدحرج لساني
قلت يا تقبريني الدملجانه
ملانه فراغ من اول مبارح
غرامي قالت بعهد المجاعه
قلت لا يهمك وجودي جماعه
قالت انت غنّيلي معنّى
وانا المشروب مصروفي تبنّى
قلت بوصل لعندك بعد ساعه
ولما رحت وتخدّر كياني
عليها صرت ادلق من حناني
وصارت صوفتي بالحب حمرا
وقبل ما يندلق بالكاس خمره
شفاف الكاس دلقِت عا القناني
0 comments:
إرسال تعليق