اجا تشرين من غربة مماتو
ومشي الخربان عا دعسة خواتو
وجمال الطقس قدم استقاله
بعدما شاف حجم مخالفاتو
وطلع من قمقم الريح الشمالي
وقال تيابكم يا غصون هاتو
وكتر منو رذيل بهيك حاله
الشجر بالزلط رقّص عا هواتو
ولانو العمر تشرينو خيالي
ما عنا زنود تلجم انفلاتو
بيطلع متل شعر الارتجالي
بذات الوقت ومكبش بذاتو
وانا بتشرين مش عم شوف حالي
النظر ما عاد يعمل واجباتو
وعا قولو الحظ ما استذوق مجالي
بساعة مولدو اعلن وفاتو
تياب الآخ كلن شغل بالي
ومعي مستقبلي قاطع صلاتو
النهايه للجسد ودّت رساله
وخيالي فتّش بسوق العقاري
عا شقفة ارض تا يقبر حياتو
0 comments:
إرسال تعليق