عايش بالخطيه

دخيلك قلت قالت انت دخلك

قلّي بالهوى شو صار دخلك

هجمت وقلت عندي قابليه

قالت ما حدا تذاكر قطعلك

صرت العتم عم تعمل مطيه

زمانك جملة مشاكل شقعلك

ما بدك لا نصيحه ولا وصيه

غرورك سيرك ونهجك نزعلك

المحبه فيك صارت مستحيه

الغرام بشفرتو قلبك قطعلك

وجوع النفس ولـَّـدلك شهيه

لانو عن وعي ما زرعت حقلك

قلّي ليش عايش بالخطيه

وما بدك بالهوى تمشي عا مهلك

لاحق "نورما" ولاحق "بهيه"

كأنو تنينهم خلقو لأجلك

وكفتا وليش كبشّت بنقيّه

وخزقت تيابها وزغّرت عقلك

قلت عم دوب والشهوه قويه

وانتي مالكي من هون طلعه

قبل ما يصير فسطانك مجعلك