انا انسان ووجودي تهوّس
ما بدو يقشع على الارض مومس
بعدما موقفي بغيرو تقوى
عليي الما الو وجدان وسوَس
وبعدما ديب جوع النفس عوّى
خلاصي عرفت انو صار اهوس
وقلت يا قلب عا دقك تروى
وجع راسي ما بعرف ليش جومس
لحد اليوم امري ما تسوّى
حياتي تدهورت والضهر قوّس
وخلطو الناس برّا بقلب جوّا
وبقلب المجتمع حقّي تدعوس
ما عاد يهمني خصر التلوى
النظر قنديل والقنديل نوّس
وعيوني قزقزو والشعر ضوّى
ولسان الحال ما عاود مروّس
الغزل رح طلّقو يا ست حوّا
ما عاود خلقتو التفكير بوّس
لأنو صار عايش عا المقوّى
ولأنو كبّ بدها الابجديه
الحرف من طلعتو بيطلع مسوّس
0 comments:
إرسال تعليق