بخاف الحكي

وينك بأيا بلاد موجوده

عنك سألني الجمر ببروده

وبالحال ضاعت لغة التعبير

كلو لأنو مسرسب التفكير

وبدها عقارب ساعة وجودي

ما قدرت حقق بالشعر حلمي

وقلّك قصيده ملحّنه استلمي

الالهام قلّي من عدا غايات

هلّق ما عندي للغزل ابيات

وما في حروف بيطلعو كلمه

مَني بقا عن عيشتي راضي

حابب تا اعمل حاضري ماضي

ويا ما ببالي خيّل المشروع

لكن ما بفتح سيرة الموضوع

بخاف الحكي لا يروح عا الفاضي

هوني انا والآخ يا بيّي

ومنّي لعبكرا تارك شويّه

ما قدرت اسهر بالدني ولا نام

اوقات عم امرق عَلى الايام

واوقات هنّي بيمرقو عليي