شروقي
امي بغيابك ضعت والراس حمله صار
وعا درب بيت الشعر ضيّعت اوزاني
هالسبت خمسه المسا عا الاربعين نهار
بدنا عا ذكرك نجي بقلوب شعلانه
وقت اللي بيي هجر كنا يا امي زغار
وخدتي محلّو بدني ما في لها ديانه
ولما حضورك طلب عا ذمة الاخبار
قلتي عبكرا السفر بنهار الفلاني
ولما المنّيه اجت وبايدها انذار
الساعات فلّو وبقي من عمرك ثواني
وجاتك بطاقة سفر وتعيّن المشوار
وسافرت متلك انا عا تمرمر زماني
رحتي عا تاني دني وموتار حزني دار
وخلّى خدودي جُوَر بالدمع مليانه
وغب على قلب الوعي واستشهدو الافكار
وصارت عا اخ الوجع تمشي الاسطوانه
وهلق يا امي انا بين الثلج والنار
الاخوات وقفو معي مع كل اخواني
وقلنا ما زال البشر فوق الارض زوار
لعندك عبكرا منجي واحد ورا التاني
0 comments:
إرسال تعليق