شروقي
وحياة حبي لكي يا شقايق النعمان
بوصفك حروف الهجا صالو معي وجالو
فيكي بيضل الهوى عا قافيه واوزان
وفيكي بيلاقي الوعي تصريف اعمالو
مش بس اني الكفر عم حاربو بايمان
حقي عا وجه الارض ما في حدا يطالو
وقلبي بلون التلج ما بسخّر الوجدان
مش متل هلي جمع بالزعبره مالو
عايش بنعمه وهنا ومطلّق الاحزان
والكيف عندي بحر عم يوسع مجالو
هلي ما حبو الفشل قالو شو هالانسان
انسدت بوجهو الدني ما بينشغل بالو
عليي ما نمّر حدا بعدي عظيم الشان
وعني بساحة علي عنتر عبس قالو
وقالو عا ذكر الحرب من جمعتين زمان
انهدو جسور الوطن لكن جسر عصام
معلق بسقف الحنك بعدو على حالو
0 comments:
إرسال تعليق