حقوقو بيوت الشعر منها وافيه
بنت المعنى بهمتو لبست حرير
والأبجديه عليه كانت لافيه
مش بس انو كان شاعرها القدير
فسّد عطش فكرو بمناهل صافيه
وما في حدا ما قال يا خي الامير
يعطيك الله كل همه وعافيه
فسّد عطش فكرو بمناهل صافيه
وما في حدا ما قال يا خي الامير
يعطيك الله كل همه وعافيه
انقلنا عظيم الشأن عنو مش كتير
كلمة عظيم الشأن منها كافيه
من جهتي للشعر عدّيتو عبير
وشميّت عطرو بالوزن والقافيه
كلمة عظيم الشأن منها كافيه
من جهتي للشعر عدّيتو عبير
وشميّت عطرو بالوزن والقافيه
قلبو حمل اخلاص جواتو
والشعب قدّملو تحياتو
ومتل المزار اليوم قبرو صار
بينسى عليه الزايرو ذاتو
والشعب قدّملو تحياتو
ومتل المزار اليوم قبرو صار
بينسى عليه الزايرو ذاتو
احباب "حنا" من البدايه كتار
وعا قلب قلبو كلهم فاتو
ومتريت بعرف حبها قنطار
هاتو ضيع عا شكلها هاتو
وعا قلب قلبو كلهم فاتو
ومتريت بعرف حبها قنطار
هاتو ضيع عا شكلها هاتو
ومن ام يوسف شو انا محتار
ومن يوسف وشارلي ومن بناتو
حالي سألت وسألت باستمرار
كيف بيجو عا الاربعين نهار
وخمسين مره بغيبتو ماتو
ومن يوسف وشارلي ومن بناتو
حالي سألت وسألت باستمرار
كيف بيجو عا الاربعين نهار
وخمسين مره بغيبتو ماتو
