قلت وقالت

بدي قالتلي كيف ما بدي

اعمل زنودك ها المسا مخده
قالو الي بتحب لحم حلال
وايدك على الحسنات منمدي

قلتلها ما بتاخدي استقلال
تا كل شدّه ترافق المدّه
ويصير يطلع صارخ الموال
وتعزف كمنجة خدّك لخدي

قالت انا مني ضلع منشال
من الصدر شقفة صدر منعدي
قلي شو عندك بالشعر رسمال
قلتلها بالمنطق الجدي

بشعر الغزل عندي قلم خيّال
وبالارتجالي ما حدا قدّي
وعند التحدي في الي اعمال
بتقدر بايد الذاكره تهدي

ومش بس عندي من الجمال حمال
صواريخ شعر على السما مودي
المريخ عاملي كذا تمثال
وصامد كلام الجوهري حدي

شاعر انا ليّي الشرف اختال
بساعة سكر ما بكسر الرده
عطيت الشعر حقو بكل مجال
وكلما شموخي اكتبو عا جبال
بعمل جبل صنين مسوده.