فشخة حبر

عليي يا ريت بتمرقي مرقه

بدورة حياتي مجنسه الحرقه
وما في امل اعمل جنوني فنون
بصحن الخيال منشفه المرقه

تحت الشتي رايح على بدادون
وحظي ما كان من الهمج ارقى
وشمس اللي كانت تطلع بكانون
ضبت بايد غيابها الشرقه

وبيت القصيد لطلعتو مرهون
وجابي الكلام ملاحقو بطرقه
ومش بس قلبي بالوجع مطعون
عم ابصر بنام الربع ورقه

مطرح ما انتي يا عيوني بكون
شفافك لهيب وبسمتك برقه
وحبي لكي عا العود والقانون
غنّت جناحو بالسما الزرقا

وصوتك كأنو نغمة الحسون
وحتى ببحري تغرقي غرقه
ما قدرت اكتبلك شعر موزون
من هيك طلعت كلمتي عا العيد
فشخة حبر عا هامش الورقه.